Igande honetan, uztailak 30, Mendialdeko Azoka Ibiltaria Jauntsaratsen (Basaburua) eginen dute, Plazaola Partzuergo Turistikoak, Cederna-Garalur erakundeak, Basaburuko udalak eta Habelarte elkarteak antolatua. Bertan, artisau eta ekoizleen ia 30 postu izanen dituzte 10:30etik 14:00etara.
Honekin batera, bailarak dituen baliabideak bisitatzeko aukera izanen dute bisitariek, goiz polit bat osatuz: Jauntsaratseko harizti monumentalak, herrien arteko xendak edota Basaburuko arkitektura tradizionala.