Igandeko meza ondotik, Umore Onak dantza taldearen emanaldia izan zen eta pilota partidak. Arratsaldean, haurrentzako jolasak, txokolatea eta Zapotxin pailazoaren emanaldia izan zuten.
Astelehen arratsaldean Aranoko umeen eta gazteen pala torneoa jokatu zuten eta gauean 39. Mus txapelketa. Patxi Bakero eta Rosa Olaizola goizuetarrak suertatu ziren txapeldun.
Santio egun handian azkenik, Hernaniko dultzaineroen dianaren ondotik, Arano eta Goizuetako pilotarien arteko partidak jokatu zituzten eta arratsaldean herri kirol erakustaldia, bertso saioa eta bukatzeko afaria eta bingo musikatua.