Iragarri bezala, joan den ostiralean hasi zituzten Goizueta eta Leitza lotzen dituen NA-4150 errepide lanak. Zehazki, goiko zentraleko bi kurba zabalduko dituzte. Hasiera batean, gaurtik hasita hilabete eta erdiz errepidea itxiko zutela adierazi zuten, baina Goizuetako Udalak jakinarazi duenez, neurri batean eragina murriztea adostu dute enpresarekin.
Hala, aste honetan, astelehenetik ostiralera erabat itxita izanen da errepidea, 24 orduz. Ostiralean, 19:00etan zabalduko dute eta asteburuan ere zabalik izanen da errepidea.
Datorren astean, uztailaren 24tik 29ra, larunbata barne, 08:00etatik 19:00etara itxita izanen da eta gainerako orduetan, hau da, lanorduetatik kanpo, irekia izanen da.
Lanek irauten duten bitartean, errepidearen egoeraren berri astero emanen dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.