Karmen bezperako festa larunbat iluntzean eginen dute Goizuetan

Ttipi-Ttapa 2023ko uzt. 14a, 08:00

Hutsik egin gabe, Karmen bezperako festa antolatu du aurtengoan ere Goizuetako Umore Ona elkarteak, Goizuetako Udalaren eta Ikastola Batzordearen laguntzarekin. Larunbat honetan, uztailaren 15ean, izanen da.

Larunbat iluntzean, 21:00etan Goizuetako plazan bilduko dira (euria egiten badu ikastolako aterpean) eta afari herrikoia eginen dute. Ohi bezala, elkarteak mahaiak, mahai-tresnak, aulkiak eta mahai-zapiak jarriko ditu nahi duenaren eskura, baita edariak (sagardoa eta ardoa) ere, eta jatekoa norberak eraman beharko du.

Afaldu ondotik, 22:30ean sua piztuko dute plazan bertan eta nahi duenak su gainean saltoka ibiltzeko aukera izanen du.

Umore Ona elkarteak ez ditu bere gain hartuko gerta daitezkeen zorigaitzak.

Bestak Leitzaldea Goizueta

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun