Zumarragara herriko pilotariak animatzera joateko autobusa antolatu nahi dute Leitzan, beti ere gutxieneko jende kopuru bat ziurtatzen badute. Izena emateko Maimurren eta pilota eskolako kideen bidez egin beharko da, eta ostirala izanen da horretarako azken eguna.
Oroitu behar da Nafarroako Pilota Federazioak Leitza izendatu du Euskal Herriko Herriarteko Txapelketan Nafarroako ordezkari izateko. Kirol justiziak Nafarroako Herriarteko Txapelketaren finala egitea eragozten duen prozesu irekia mantentzen duenez, Nafarroako Pilota Federazioko Zuzendaritza Batzordeak uste du Leitzak leku hori hartzeko beharrezko baldintzak betetzen dituela, orain arte akreditatutako talde finalista bakarra baita.