Naturarekin lotutako jarduerak, herri kirolak, irteerak, jolasak, ginkana, akrosport, eskulanak... Kiromank-ek uztailaren 24tik abuztuaren 4ra bitarteko goizak pasatzeko hitzordua prestatu die Aresoko neska-mutikoei. 10:00etatik 13:00etara bilduko dira eta parte hartzeko 50 euro ordaindu beharko dira. Bigarren edo hirugarren seme-alaba apuntatuz gero, % 10eko deskontua aplikatuko dute.
Izena Aresoko Udaletxean edo kirol mankomunitatean eman behar da. Horretarako azken eguna ekainaren 30a izanen da eta informazio gehiago nahi duenak kirolmankomunitatea@gmail.com helbidera idatzi edo 649 20 53 10 zenbakira dei dezake.