Iberdrolaren argindar horniduran arazoak izan dituzte azken aldian Leitzan, eta udalak Irache kontsumitzaileen elkartearekin doako aholkularitza zerbitzu berezia antolatu du. Ekainaren 14an, goizez eta arratsaldez, aholkulari batek zalantzak argitzen eta kexak kudeatzen lagunduko du.
Aholkularia Leitzako Udaletxeko lehenbiziko solairuan egonen da, eta berarekin egoteko aurretik hitzordua hartu beharko da 012ra deituta. Udalak eskura duten dokumentazioa eramateko eskatu die herritarrei: fakturak, argazkiak, aseguru polizak...
Udalak ere bere kexa formala aurkeztu du Iberdrola taldearen aurka, «herrian eskaintzen duen zerbitzu eskasagatik eta arazoen aurrean izan duen erantzun desegokiagatik».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.