Leitzako Udalak adostasuna lortu du Wïkai enpresa nafarrarekin, eta horri esker, banda zabala herriko etxe eta baserri gehienetara iritsiko da. Gainera, udalak jakinarazi duenez, seinalea ailegatzen ez zaien etxeei irtenbide pertsonalizatuak bilatzeko konpromisoa hartu du enpresak. Ehun mega arteko abiadura eskainiko du eta gainera, ETB ikusteko askotan sortzen diren seinale arazoei irtenbideak emanen omen dizkie.
Horri buruzko argibideak jasotzeko bihar, asteazkena, batzar irekia eginen dute, 19:00etan Leitzako Udaletxeko Batzar Aretoan.