Antzina Gasteizek jasandako setioa, erresistentzia eta konkista ilustratuak ageri dira aipatutako liburuan. Gaur 19:30ean Aurrera Elkartean bilduko dira.
Bihartik aurrera gehiago
Leitzako Kultur Aroak bihar eta ondoko egunetan izanen du segida. Egitarau hauxe prestatu du Alkek.
Maiatzak 17, asteazkena
Garbiñe Larrea Iturraldek Sendabelarrek dakitena liburua aurkeztuko du 19:00etan Herri Aretoan.
Maiatzak 18, osteguna
Federiko Krutwig eta gaurko ekonomia liburua aurkeztuko dute 19:30ean Aurrera elkartean. Hitzaldia ere izanen da, baita dokumentala ikusteko aukera ere. Oskar Aranzabal eta Baleren Bakaikoa gonbidatu dituzte.
Maiatzak 21, igandea
XLIV. Eskulangintza Azoka eginen dute 10:00etatik 14:00etara plazan. Hitzordu berean Brun errementariak egindako Irulegiko eskuaren erreprodukzioa zozketatuko dute eta Liñu-putzuren XXV. urteurrena tarteko, ehoziri topaketa eginen dute.
Garagarrilak 10, larunbata
XIII. Sagardo Egunarekin borobilduko dute aurtengo Kultur Aroa. 19:00etatik 21:00etara hainbat etxetako sagardoak dastatzeko aukera izanen da Leitzako plazan.