Emakumezkoen esku pilotako III. Nafarroako Foru Komunitatea Torneoaren barrenean, senior mailako pilota goxoko finala jokatu zuten maiatzaren 13an Vianan. Umore Onako Irati Arozena goizuetarra finalean izan zen, baina ezin izan zuen garaipenik lortu. Altsasuko Sonia Irisekin batera 9-18 galdu zuen Gernikako Amaia Zarrabeitia eta June Urrutikoetxearen kontra.
Aurretik finalerdia jokatu zuten eta horretan, Arozenak eta Irisek 18-16 irabazi zieten Errioxako Cristina Saenz eta Ibone Salinasi, lehia estuaren ondotik. Zarrabeitiak eta Urrutikoetxeak Ana Couto eta Saira Fernandez hartu zituzten mendean.