Atekabeltz Herriguneko Ibon Azpirotz Sosak TTIPI-TTAPAri kontatu dionez, larunbatekoa «borobil» atera zen; «eguraldiak eutsi zion eta parte hartzea oso ona izan zen».
Goizean plazatik abiatuta Leitzako hainbat txokotan bisita-poteo-gidatua egin zuten. «Azken hamarkadetan herrian izandako lau borroka izan genituen hizpide eta garaiko lekukoek azaldu zuten zer izan ziren». Zehazki, autobiaren aurkako borrokaz, euskaraz, soldaduskari intsumisio egiteaz eta azken hamarkadan emakumea langile Sarrion onartzeaz aritu ziren.
Eguerdian, berriz, 50 lagun inguru bildu ziren Atekabeltzeko zikirogileek egindako otorduaz gozatzera. Arratsaldean jarraitu zuen egitarauak: «arratsaldean jendea kontzertuetara bertaratzen hasi zen eta kanpoaldean Ziztada eta Rlantzen kontzertua izan zen. Ondoren arratsaldekoa eta gauean -Gailu, Nakar ta Zumitrenko DJren txanda. Ehun lagunetik gora bildu ziren».
Ostegunean gehiago
Ostegunean, maiatzaren 11n, Pamir 2021. Harkaitza eta izotza hitzaldia eta proiekzioa izanen dituzte Ekaitz Maizekin. Hala borobilduko dute aurten bigarrenez egin duten Atekatu ekimena.