Joanes Olaizolak ordubete, 28 minutu eta 15 segundo behar izan zituen 57 kilometroko ibilbidea osatzeko (orduko 38,75 kilometro, bataz beste). Hamahiru segundoko aldea atera zien ihesaldian lagun izan zituen Mario Elizburu (Ulma-Aloña Mendi), Oier Arana (Danena), Aratz Unanue (Viveros San Anton) eta Beñat Sainzi (Viveros San Anton). Tropela minutu eta 45 segundora helmugaratu zen. Mendiko sailkapenean ere Aurrerako txirrindularia nagusitu zen.
Joanes Olaizola txirrindulari leitzarrak garaipena lortu du Arronizen
Aurrera txirrindulari elkarteko Joanes Olaizola leitzarrak garaipena lortu zuen larunbatean Arronizko XXVI. Memorial Borja Oses kadete mailako txirrindulariei zuzendutako lasterketan. Bost txirrindulariko ihesaldian sartu zen Olaizola eta azken kilometroetan ihes eginez lortu zuen garaipena.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun