Leitzarrarekin batera, Hodei Ezpeleta, Julen Gabirondo, Xuban Kañamares V.a, Ugaitz Mugertza II.a eta Suharri Rodriguez ariko dira, sei enborreko lanean. Maiatzaren 21ean Lekunberrin jokatuko den finalerdirako bi txartel jokoan izanen dituzte.
Aizkolariez gain, harri-jasotzaileak ere ariko dira Getarian. Emakumeen binakako txapelketan, Karmele Gisasola Zelai III.a eta Ainitze Zumeta, Lucia Orbe eta Lierni Osaren kontra ariko dira, 87,5 kiloko harri laukizuzenarekin eta 63na kiloko harri zilindro, kubiko eta borobilarekin.
Gizonezkoen txapelketan, 10 arroako hiru harriekin ariko dira Aimar Galarraga, Hodei Iruretagoiena Izeta IV.a eta Xabat Olaizola.