Bi filmak ikusteko sarrerak salgai daude. Oink-oink pelikularen kasuan, zine bonua dutenei 3,5 eurotan aterako zaie sarrera, online erosiz gero lau eurotan eta leihatilan bost eurotan. 20.000 especies de abejas filmaren kasuan, berriz, bonuarekin sarrera 4,5 eurotan aterako da, online erosiz gero bost eurotan eta leihatilan sei eurotan. Online erosi nahi izanez gero, leitza.eus atarian egin daiteke.
20.000 especies de abeja pelikula, gainera, Inklusioa helburu: sexu eta genero aniztasuna zikloaren barruan antolatu dute. Pelikulaz gain, maiatzaren 10ean, asteazkena, Haur eta gazteen transexualitatea: ez da nire gorputza, zure begirada da solasaldia eginen dute, Bea Sever Naizen elkarteko kide eta familien testigantzekin. 18:30ean izanen da Leitzako Herri Aretoan. LHL, Naizenek eta Leitzako Udalak antolatu dute zikloa.