Ohiko batzar orokorra apirilaren 15ean, larunbatean, 17:00etan eginen du Goizuetako Umore Ona Elkarteak. 2022ko balantzea egiteaz gain, 2023ko aurrekontua izanen dute hizpide eta elkarteko kide berriak izendatuko dituzte. Egun berean, bazkideen afaria eginen dute, eta joan nahi dutenek apirilaren 12a izanen dute apuntatzeko azken eguna.
Bazkideen afarira joan nahi dutenek Amaia kafetegian, Elenaren estankoan edo Umore Ona Elkartearen egoitzan dauden zerrendetan apuntatu behar dute apirilaren 12a baino lehen. Afaltzeko bakailaoa saltsan, saiheskiak, gazta eta menbrilloa izanen dira. 15 euro ordaindu beharko dira.