13:00etan plazatik abiatuta, kantu poteoa eginen dute eta ondoren, 14:00etan bazkaria Erleta eskolako jangelan.
Ondorengo menua izango dute bazkarian: patea eta urdaiazpikoa, risottoa, piperrak arraiarekin, bakailaoa eta oilaskoa saltsan. Postrerako gazta moussea edo sorbetea izanen dute aukeran. Jatekoarekin batera ardoa, sagardoa, kafea eta kopa izanen dituzte.
Bazkari garaian giroa alaitzeaz Angel Mariezkurrena, Aitor Ibarra, Frantzisko Santxotena eta Beñat Mitxelena arduratuko dira, eta horiekin batera abeslariak eta gonbidatu bereziak eta dantzariak ariko dira.
Bazkaritarako txartelak dagoeneko Maimurren eros daitezke, eta bazkaria eta luntxaren prezioa 45 eurokoa izanen da. Leitzatik kanpokoek txartela erosteko aukera izanen dute 671 265 043 zenbakira whatsapp zenbaki bat bidalita.
Sarrerak erosteko azken eguna apirilaren 10a, astelehena izanen da.