Hauek izan ziren finalean aritu ziren eskualdeko zazpi bikoteak: Garikoitz Larretxea eta Aritz Alunda (Elizondoko kanporaketatik sailkatutakoak), Xanti Ibargarai eta Iñaki Zapirain (Erratzu), Miguel Elizalde eta Bautista Mariezkurrena (Ezkurra), Miguel Salaberria eta Jokin Solano (Goizueta), Joxe Manuel Zabaleta eta Inazio Barandiaran (Leitza), Ivan Vinagre eta Fco. Jabier Ortiz Kiko (Leitza) eta Jabier Rekondo eta Aitor Makazaga (Leitza).
Guztira 128 muslari bildu ziren: Arabako 18 bikote, Bizkaiko 10 bikote, Baxenabarreko 18 bikote, Nafarroa Garaiko 32 bikote, Gipuzkoako 32, Lapurdiko 12 eta Zuberoako sei. Hasieran lau bikoteko 32 taldetan banatuta aritu ziren, eta hala, Vinagrek eta Ortizek lortu zuten final laurdenetara sailkatzea. Azkenean, zazpigarren gelditu ziren. Txapela, berriz, Irisarriko (Baxenabarre) Ramuntxo Ondarts eta Thierry Olaizolarentzat izan zen; final nagusian San Martin Unxeko (Nafarroa Garaia) Jose Luis Larari eta Herve Casari irabazi zieten.