Nafarroako Gobernuak zazpi pertsonari Karlos III.aren Gurutzea ematea erabaki du, Nafarroa garatzen laguntzeagatik. Horietako bat Iñaki Perurena harri-jasotzaile leitzarra izanen da, «herri kirolak mantentzeko eta zabaltzeko egindako lanagatik, baita Peru-Harri museoan eta bertze zenbait jarduera profesionaletan islatzen den euskal kulturaren zabalpenagatik».
Perurenarekin batera, Vicente Madoz mediku psikiatrak, Oihan Iturbide biologoak, Alfredo Sanzol egile eta antzerki zuzendariak, Antonio Eslava margolari, eskultore eta grabatzaileak, Patxuka de Miguel emaginak eta Judith Torrea kazetariak hartuko dute Nafarroako Gobernuak emandako 2023ko Karlos III.a Noblearen Gurutzea.