Hainbat sari jaso dituen eta Goya sarietan ere hautagai izan den Paul Urkijoren Irati film ezaguna herrian ikusteko aukera izanen dute leitzarrek. Eneko Sagardoi, Edurne Azkarate eta Itziar Ituño aktoreen filma izanen da martxo hasieran Herri Aretoko zinema eskaintza. Martxoaren 4an eta 5ean, 19:00etako saioetan emanen dute.
Larunbatekoa azpitituluekin izanen da. Sarrerak dagoeneko salgai daude leitza.eus atarian. Bonua dutenei 4,5 eurotan aterako zaie sarrera, online hartzen dutenek bortz euro ordaindu beharko dituzte eta leihatilan hartuta sei euro.
Aipatzekoa da otsailaren 24an estreinatu berri dutela Irati zinemetan eta euskaraz egindako film baten estreinaldi arrakastatsuena izan da.
‘Yuku eta Himalayako lorea', 16:30ean
Ez da asteburu horretako pelikula bakarra izanen. 16:30eko saioan Yuku eta Himalayako lorea ikusteko aukera izanen da. Bonua dutenek 3,50 euro ordaindu beharko dute, sarrerak online hartuta lau euro eta leihatilan bost euro.