Haurren eta nerabeen gurasoei zuzendua
Ageda Blasco Egia aktibista, hezitzailea, ikertzailea eta artista da. Gizarte-bazterketarekin lotutako gaiak interesatzen zaizkio, hala nola indarkeria matxistak, sexu-aniztasunaren sustapena, neuro-dibergentzia eta osasun mentala. Bere jarduera begirada feministak, arteak, gorputz lanak eta Gestalt terapiak eskaintzen dituzten tresnetan oinarritzen da. Doktoretza tesia egiten ari da queer pedagogien eta praktika artistikoen inguruan.
Asteazken honetan 'Berdintasunean hezten' hitzaldia eskainiko du Goizuetan eta, antolatzaileek jakinarazi dutenez, zaintza zerbitzua ere eskainiko zaie gurasoei hitzaldiak irauten duen bitartean. Hori bai, zaintza zerbitzua nahi duenak, honako datu hauek eman beharko ditu izena ematerakoan: haurraren izen-abizenak eta telefono zenbaki bat.