Goizutrail mendi lasterketaren zortzigarren edizioa prestatzen hasiak dira Goizuetan. Maiatzaren 20an izanen da eta dagoeneko izena emateko epea zabaldu dute eta lehenagotik izena ematen dutenek eta herritarrek gutxiago ordaindu beharko dute parte hartzeko. Izena herrikrosa.eus atarian eman daiteke.
| Lasterketa aurretik | Lasterketa aurretik | Egunean bertan | Egunean bertan | |
| Orokorra | Goizuetarrak | Orokorra | Goizuetarrak | |
| Ibilbide luzea | 20 euro | 15 euro | 25 euro | 20 euro |
| Ibilbide motza | 15 euro | 10 euro | 20 euro | 15 euro |
| Bikoteka | 30 euro bikoteko | 20 euro bikoteko | 40 euro bikoteko | 30 euro bikoteko |
Bi ibilbide izanen dira aukeran: bat 10,6 kilometrokoa eta bestea 25,2 kilometroa. Bi ibilbideak Goizuetako mendietan osatu beharrekoak izanen dira. Ibilbide motza luzearen lehenbiziko zatia izanen da eta herrian hasi eta bukatuko da. Neurketa ez dago homologatua.
Bikoteka izena emanda, partaide bakoitzak ibilbidearen zati bat egin beharko du: lehenbizikoak 10 kilometro eta bigarrenak 15 kilometro.
Ibilbide motza egiteko 16 urte eta luzea egiteko 18 urte edo gehiago beharko dira, eta federatuta izan edo ez denek parte hartzen ahalko dute, baina gehienez 250 lagun onartuko dituzte.