Aranoko zomorro txiki nahiz handiek ederki ospatu dituzte inauteriak larunbatean eta festa giroa zabaldu dute baserri auzoetan eta herrian. Ohi bezala, goizean goiz elkartu ziren zomorroak Beltsoko bordan eta Izer eta Alabier trikitilariaren eta panderojolearen laguntzarekin, puxka biltzea egin zuten.
Suro auzoan hasi eta herriraino ailegatu arte etxez etxe ibili iren. Eguerdi partean zomorroak herrira ailegatu ziren, zahagi dantza dantzatu eta bazkaria egin zuten soziedadean. Arratsaldean zomorro-mozorro desfile-antzerkia egin zuten ume eta gazteek. Gauean, herri afaria izan zuten soziedadean eta ondotik bingo musikatua.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.