Espainiako klub arteko pilota txapelketa jardunadia jokatuko dute otsailaren 11n, larunbatean 18:00etan hasita Goizuetako udal pilotelekuan. Goizuetako Umore Ona taldeak Errioxako Santo Domingo de la Calzadako Calceatense taldea izan du arerio.
Errioxan jokatutako joaneko jardunaldian, goizuetarrek bi partidak erraz irabazi zituzten eta errioxarrek, hiru tanto besterik ez zituzten egin bi partidetan. Baina ikusi beharko Goizuetan zer gertatzen den. Buruz buruko partidan, Umore Onako Iker Egigurenek Calceatenseko Diaz izanen du arerio eta binaka, Umore Onako Beñat Apezetxeak eta Antton Apezetxeak, Calceatenseko Capellan eta Capellan.
Espainiako klub arteko pilota txapelketako jardunaldiaren aurretik, 17:00etan, Mendialdeko laugarren pilota txapelketan, hirugarren mailako kimuen kategoriako finalerdia jokatuko dute Umore Onako bi bikotek: Seges eta Elizegi, Zabala eta Narbarteren kontra