Izen ematea www.ehmendierronka.eus atarian, www.kronoak.comen edo www.rockthesport.comen egiten ahal izanen da. Maiatzaren 6a izanen da horretarako azken eguna. Gainerakoan martxoaren 31ko 08:00 baino lehen izena ematen dutenek 61 euro ordaindu beharko dituzte eta lasterketa erreleboka egin nahi dutenek 75 euro; martxoaren 31tik aurrerakoek, berriz, 71 euro banaka eta erreleboka parte hartzekotan 85 euro.
Aldaketak
Hainbat aldaketa izanen ditu aurtengo Euskal Herria Mendi Erronkak. 67 kilometroko lasterketa egiteko 500 dortsal banatuko dituzte, eta erreleboka edo bikoteka egiteko 60 dortsal. Horrez gain, seniorrak eta beteranoak bateratu eta kategoria bakarra osatzea erabaki dute antolatzaileek. Klub maila kendu dute eta errelebo lasterketan eskualdeko bikotearentzako saria emanen dute.
Bestalde, dortsala jasotzeko derrigorrezko materiala aurkeztu beharko da.