Hilabetero parrokiako boluntario talde bat lanean aritzen da Nafarroako Elikagaien Bankuarekin elkarlanean. Iruñera janari bila joatez gain, janari kutxak ere prestatzen ibiltzen dira. Gainera, gizarte zerbitzuen kolaborazioa ere izaten dute behar gehien duten pertsonak identifikatuta izateko, ondoren banaketa egokia egiteko.
1997. urtean hasi ziren lanean, eta gaur egun 20 bat boluntario ibiltzen dira. Parrokiako kideak «oso pozik» daude eta horrelako errekonozimendua jasotzea «aukera polita» dela uste dute. «Inolako eskupekorik gabe lanean aritzen diren pertsonei ahotsa emateko aukera polita da».