«Emakume eta gizonen arteko desparekotasunak egiturazko jatorria duela, eta ondorioz, bizitzaren arlo guztiei eragiten diela» ikusita, «berdintasunean aurrera egiteko arlo guztietatik lan egitea beharrezkoa» ikusi du Arano, Areso, Goizueta eta Leitzako Gizarte Zerbitzuen Mankomunitateak. Eta bide horretan, «aurrerapausoak emateko asmoz» prestakuntza saioak egiten ari dira lau herrietan, bai hautetsiekin, baita teknikariekin ere. Amaia Paz gizarte zerbitzuetako berdintasun teknikariak adierazi duenez, «saio hauek garrantzi handikoak dira, gure herrietako politika publiko guztietan berdintasuna txertatu ahal izateko».