Asteburu honetan, Goizuetan, batetik, Jubilatuen Eguna izanen dute eta bestetik, Etorkinen Eguna.
Jubilatuen kasuan, larunbatean, hilaren 19an, 16:00etan truk eta mus txapelketak jokatuko dituzte Umore Ona Elkartean, eta igandean, 11:00etako mezaren ondoren, pilota partidak ikustera joanen dira. 14:00etan elkartean bazkaria eginen dute. Txartelak erosteko azken eguna asteazkena izanen da.
Etorkinek ere larunbatean ospatuko dute beraien eguna, Oxeguarda jatetxean bazkaria eginez.