Adin txikikoen tratu onen sareak antolatutako familia txokoak bi hitzordu eginen ditu azaroan Leitzan. Alde batetik, ostegun honetan, azaroak 17, Estitxu Fernandez lesakarrak 18-36 hilabete bitarteko haurren autonomia eta mugak izanen ditu hizpide Leitzako udaletxeko bigarren solairuan, 17:00etatik 19:00etara.
Bizkar osasuntsuaren inguruko tailerra azaroaren 29an
Bestetik, azaroaren 29an bizkar osasuntsuaren inguruko tailerra eginen dute, hau ere udaletxeko bigarren solairuan. 0 eta 3 bitarteko haurrak dituzten familiako kideei zuzendua da: gurasoei, aiton-amonei, haurdun dauden emakumeei...
Edoskitze egokirako eta haurrak eramateko garaian bizkarra zaintzeko aholkuak emanen dituzte osasun etxeko erizainek.