Ostiralean 18:30ean Maisuenean pantailaratuko duten Ibaia ez da toki bat dokumentalarekin hasiko dira hitzorduak. Nagore Legarreta argazkilariak urtebete pasatu du Urumea ibaiari argazkiak egiten, eskuz eraikitako kamera estenopeikoekin. Hainbat testigantza entzunez, ibaiaren inguruko bizipenak, ikuspegiak eta emozioak biltzen ditu dokumentalak, Urumea bailarako herritarrek ibaiarekin duten erlazioa ur azaleratuz. Hain zuzen Nagore Legarreta proiektuaren sortzailea eta Beñat Iturrioz dokumentalaren zuzendaria Maisuenean izanen dira.
Dokumentalaren ondoren, 20:00etan talo eta gaztaina jatea eginen dute eta jarraian bertso saioa hasiko da. Txapelketa Nagusian parte hartzen ari diren bertsolariekin osatu dute bertso entrenamendu komentatua: Aitor Mendiluze, Unai Agirre, Eñaut Martikorena, Agin Laburu eta Joanes Illarregi.