Suhiltzaile taldea gelditu da zaintzen
Suak etxe osoa erre du eta egurrezko egitura zuenez, oraindik egunez ere kea ateratzen da etxeko hondakinen artetik. Ustekabeak saiheste aldera, suhiltzaile taldea gelditu da zaintzen.
Laguntza emateko esperientzia dute aranoarrek
Joxan Ruizek, Aranoko alkateak, esan digunez, orain «kaltetutako familiarekin hitz egin eta zer behar duten jakitea da» lehenbiziko gauza. Zentzu horretan, Ukrainatik etorritako familiei harrera egin zietenean hartutako esperientzia «oso ondo etorriko zaigu oraingo honetan», orduan «herria ederki aktibatu baitzen eta esperientzia hartatik asko ikasi genuen».