Agure batek istorio bat kontatuko du. Aner gizarte distopiko batean bizi da, non dantzatzea debekatuta dagoen. Anerri izugarri gustatzen zaio dantza egitea eta horrek arazo larriak sortzen dizkio. Kaskarot Anerren 'alter egoa' da. Bere argitasun eta zentzuaren bidez, Anerri erakutsiko dio bere egoerari buelta ematen eta arauen aurrean bere adierazpen askatasuna lehenesten. Horixe da antzerkiaren mamia.
Gartxot Unsain Letonak idatzitako testutik abiatuz, Atx Teatroaren zuzendaritzapean Natxo Montero, Maryse Urruty eta Jon Koldo Vazquez ariko dira taula gainean, Gartxoten musikaz eta umoreaz lagunduta.