Bazkariko menua hauxe izango da: pasta entsalada, gisatua, kontesa izozkia, kafea eta kopa.
Haur, gazte eta heldu elkarrekin ospatu nahi dute mendeurrena eta animatzeko deia luzatu du pestaren antolaketan ibili den lantaldeak. Eguneko egitaraua ere jakinarazi dute:
- 11:00etan pesta hasiko da, garai batean egiten zen bezala, eskolako ezkilak joz.
- Ondoren ekitaldia egingo dute parkean.
- Handik eskolara bisitan joango dira eta eskolako ikasleek emanaldia eskainiko dute.
- Hori bukatuta, Aresoko fanfarre eta buruhaundiekin kalejira egingo dute eskolatik plazara.
- 12:00etan eskolako materialen erakusketa ikusgai izango da plazan.
- 14:30ean plazan bazkaria egingo dute.
- Arratsaldean Batule eta Taupada Batukadak herrian ibiliko dira.
- Iluntzean Bide Batez musika taldearen emanaldia izango da plazan, eta horrekin batera, pintxoak dastatzeko aukera.