Sare sozialen erabilera egokiaz beste tailer bat eginen dute ostegunean Leitzako liburutegian

Ttipi-Ttapa 2022ko ira. 20a, 14:30
Deskargatu Info Ahotsak :
es en fr

Teknologia berriak zentzuz erabiltzeko familia arauak ezarri nahi dituzten zortzi urtetik gorako haurrentzat eta haien familientzat izanen da tailerra. Ostegun honetan, irailaren 22an, 18:00etan eginen dute Leitzako liburutegian. Parte hartzeko aurretik izena eman beharko da.

Izen ematea Whatsappez 621 24 80 24 telefonora idatzita, 948 51 03 79 telefonora deituta edo biblilei@navarra.es helbidera idatzita egin beharko da.

Aurreko astean sare sozialen erabilera egokiari lotutako beste tailer bat egin zuten Leitzako liburutegian: Fake news tailerra, sare sozialen eta komunikabideen bidez ailegatzen diren gezurrak antzematen laguntzeko. Horri segida emanez, ostegun honetan, komunikazio teknologien erabilerarako familia kontratua izanen dute hizpide.

Gizartea Leitzaldea Arano

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun