Urte mordoxka daramatza Goxalik martxan. Haur eta gaztetxoen sozializazio eta aisialdi osasungarria sustatzea du helburu eta aldi berean, autonomia, kritikotasuna, sormena, talde lana, ardura, integrazioa eta bestelako gaitasunak lantzeko bitartekoak eskaintzen ditu.
Hiru eta hamalau urte bitarteko haurrei bideratutako Goizuetako aisialdi gunea da Goxali, eta ikasturte honetan lan eginen duen pertsona baten bila dabiltza. Begiralea hautatzerako orduan, irakasle ikasketak izatea hobetsiko dute eta interesa dutenek zerbitzuak@dindaia.eus helbidera curriculuma bidali beharko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun