Asteazkenean, irailaren 14an eginen dute lehen tailerra, fake news edo albiste faltsuei buruzkoa. Bertan, sare sozialen eta komunikabideen bidez iristen diren gezurrak antzematen erakutsiko dute. Tailerra 17:00etan izanen da, eta 11 urtetik gorakoei zuzenduta dago.
Irailaren 22ko tailerrean, aldiz, komunikazio-teknologien erabilerarako familia-kontratua aztertuko dute. Tailerra teknologia berriak zentzuz erabiltzeko familia-arauak ezarri nahi dituztenentzat zuzenduta dago, 8 urtetik gorako haurrentzat zein bere familientzat. 18:00etan izanen da.
Bi tailerrak Leitzako liburutegian eskainiko dituzte, eta aurretik izena eman beharko da 621 248 027 edo 948 510 379 zenbakietan eta biblilei@navarra.es helbidean.