Igandean 10:00etan hasiko dira Talo Eguneko ekitaldiak plazan eta 14:00etan itxiko dute. Alde batetik, Plazaola Partzuergo Turistikoko bazkide diren artisauek azoka eginen dute beraien produktuekin, eta bestetik, saralegitarren taloak dastatzeko aukera izanen da. Talo txapelketa ere eginen dute. Eguerdian, berriz, otsailean zendu zen Arro baserriko Kristina Saralegi Arribillagari omenaldia eginen diote.
Iraileko ekitaldi gehiago
Herri Aretoko iraileko programazioa ere prest du Miren Tirapu kultur teknikariak. Igande honetan, hilaren 11n, Metrokoadroka konpainiaren eskutik, Bidaide antzezlana ikusteko aukera izanen da, 19:00etan. Udalbiltzaren Geuretik Sortuak egitasmoko azken proposamena izanen da.
- Irailaren 13an, euskara zerbitzuak euskararen erabileraren inguruko gogoeta saioa antolatu du, 19:00etan.
- Irailaren 19tik 25era, berriz, Ramon Zabalegi artista plastikoaren lanekin erakusketa zabalduko dute.
- Eta Irailaren 24an, LHL erronkako lantaldeak antolatuta, Motxila 21 taldearen kontzertua izanen da, 19:00etan.