Irailaren 2a baino lehen izena ematen dutenek 12 euro ordaindu beharko dituzte. Izena www.mendizmendi.com atarian eman behar da. Irailaren 2tik aurrera izena ematen dutenek, berriz, egunean bertan egiten ahalko dute, 07:00etatik 07:45era plazan, 15 euro ordainduta.
Lauzpabost orduko ibilbidea izango da, eta bukaeran paella eta sagardoa banatuko dute bazkaltzeko.
Gainerakoan, itzulia 08:00etan hasiko da plazan eta bidean, Urteaga (606 m), Ulizar (867 m), Merkuzelai (720 m), Urkita (850 m), Pagozelai (705 m) eta Lau Mugarrieta (Guratz, 955 m) igaro beharko dituzte mendizaleek. Guztira 21 kilometro ditu eta 1.200 metroko malda.
Informazio gehiago nahi duenak 649 20 53 10 telefonora deitu edo kirolmankomunitatea@gmail.com helbidera idatz dezake.