Txosna gunean «eraso eta mehatxu faxistak» jasan dituztela salatu zuten atzo arratsaldean 150 bat herritarrek Leitzako plazan, Leitzako Txosna Batzordeak antolatutako elkarretaratzean.
Txosna Batzordeak azaldu duenez, abuztuaren 9an gertatu zen lehen erasoa, pesta bezperetan. Muerte a los terroristas mezua agertu zen txosna batean idatzita, eta pintura gorria ere bota zuten kanpoko aldetik. Pestetan ez zen antzeko beste gertakaririk antzeman, baina abuztuaren 15eko gauean, beste mezu bat agertu zen herritar bati zuzendutako mehatxuekin.
Elkarretaratzean irakurritako komunikatuan, Txosna Batzordeak erasotua izan den herritarrari eta bere familiari «elkartasun eta babes osoa» adierazi die, eta «Euskal Herria hainbestetan erasotu duen eta erasotzen jarraitzen duen faxismoa espainiarra» salatu du. Horrelako gertakariak «berriro gerta ez daitezen borrokan jarraituk dutela» adierazi dute. Leitzako EH Bilduk ere erasoa salatu du eta elkartasuna adierazi dio erasotuari.
Leitzako Txosna Batzordearen komunikatua
