Igandeko eguna hasteko, udal korporazio handiko alkate eta zinegotziekin gosaldu zuten seigarren mailako ikasle batzuk osatzen duten korporazio txikikoek. Gero, suziria bota zuten Laida Maritorena Etxeberriak eta Liher Fernandez Zubeldiak. Aurrera pilota eskolakoen pilota partidak, haur jokoak eta gurpildun zezenak ere izan zituzten goizean.
Arratsaldean, berriz, erraldoi eta buruhandiak atera ziren. Aurrerako dantzari txikiek dantza emanaldia eskaini zuten, Ingurutxo eta guzti. Umeen Eguna bukatzeko, Xalbor aritu zen eta zezensuzkoa ere atera zen.
Umeen Eguna igarota, orain asteazkeneko txupinazoari begira daude Leitzan.