Alkohol-maila hirukoiztua zuen atzo Leitzan istripua izan zuen gidariak

Foruzaingoko agenteek bide-segurtasunaren aurkako delitua egotzi diote atzo Leitzako Iñurrista  poligonoan bidetik irten eta alkoholemia proban positibo eman zuen auto bateko gidariari. 19:48an gertatu zen istripua. Ibilgailua bidetik atera zen, paper-fabriko instalazioetara erori zen eta garabi batekin berreskuratu behar izan zuten. Gidaria onik atera zen, baina, 0,71ko alkohol tasa eman zuen egindako proban, eta bide-segurtasunaren aurkako delitua egotzita epailearen aitzinera deitu dute.