Gazte Eguneko pilota txapelketak segitzen du Goizuetan

Aste honetan erabakiko dira finalerdietako protagonista zein izanen diren Goizuetako Gazte Eguneko pilota txapelketan.

Final laurdenetako bi partida jokatu dituzte eta beste biak gaur eta ostegunean jokatuko dituzte.

Goizuetako Gazte Eguneko pilota txapelketak aurrera segitzen du eta dagoeneko final laurdenetan sartuak dira. Dagoeneko bi partida jokatu dituzte. Estuenean, Manex Apezetxeak eta Aitor Apezetxeak 18-17 irabazi zieten Unax Alsua eta Joanes Apezetxeari. Bestean, finalerdietarako txartela errazago lortu zuten Ekaitz Narbartek eta Martin Etxeberriak, 18-4 irabazi baitzieten Iñigo Etxegia eta Aritz Etxegiari.

Falta direnak asteartean eta ostegunean

Falta diren final laurdenetako bi partidak egunotan jokatuko dituzte. Gaur, asteartea, 17:00etan, Anartz Oiartzabal eta Oinatz Insausti, Aitor Aizkorbe eta Eñaut Apezetxearen kontra ariko dira. Abuztuaren 4an, ostegunean 18:30ean, Beñat Apezetxea eta Adur Alsua, Mikel Huizi eta Asier Huiziren kontra ariko dira.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun