Asteburu luzea izan da eta Ados pilota elkarteko emakumeentzat, luzea bezain emankorra. Eskualdean ez zuten Plazaz Plazako txapelketarik jokatu, baina Aranoko festetako txupinazoa botatzeko ardura izan zuten emakume pilotariek larunbat eguerdian.v
Ondotik jokatutako partida ederrean, Arrietak eta Mujikak 22-19 irabazi zieten Iera Agirre Iturriaga leitzarrari eta Orbegozori.
Plazaz Plaza txapelketa
Ortziralean Garesen jokatutako Plazaz Plaza txapelketako partidan, Irantzu Etxebeste Iantzi beratarrak eta Zabalak 22-18 irabazi zieten Aldaregia eta Ruiz de Larramendiri.
Igandean Otxandioko pilota plazan, 300 ikusleren aitzinean jokatu zuten Plazaz Plaza txapelketako partidan, Ruiz de Infantek eta Mujikak 22-17 irabazi zieten Naroa Etxekolonea eta Naroa Agirreri.
Astelehenean, azkenik, Mendaron jokatu zuten Plazaz Plaza txapelketako partida. Aldaregia eta Iera Agirre Iturriaga leitzarrak 22-20 irabazi zieten Irantzu Etxebeste Iantzi beratarrari eta Ruiz de Larramendiri.