Ostiralean Occhi di Farfalla taldearen kontzertua izanen dute 19:00etan. Larunbaterako, berriz, egun osoko jardunaldi berezia prestatu dute. 13:00etan Torrean elkartuko dira brindisa egiteko eta Torreari urtebetetzea zoriontzeko. 13:30ean poteo musikatua izanen da Oinutsik taldearekin eta 14:30ean bazkaria izanen da. Menuak zizka-mizkak, salmorejoa, saiheskia parrillan, postrea, kafea eta kopa izanen ditu. Txartelak Torrean bertan eros daitezke abuztuaren 4ra arte, eta aukera begetarianoa izanen da nahi duenarentzat. Bazkalondokoa ere musikatua egonen da Oinutsik taldearen eskutik eta 19:30ean Frikun taldearen kontzertua izanen da. Eguna borobiltzeko, DJ Üzkülüzekin festa izanen dute 00:00etan.
Antolatzaileek adierazi dutenez, «guztiok egin dugu Torrea egun dena, guztiona da eta elkar gaitezen hori aldarrikatu eta etorkizuneko ametsak zutik segi dezan!».