Amabirjin festak hurbiltzen ari direla eta, Goizuetako hainbat bazter prestatu behar direla gogorarazi du Udalak, «festak ospatuko baditugu». Txoko horietako bat egokitzeko hitzordua jarri du, hain juxtu, larunbat honetarako: ikastolako taberna muntatuko dute, 09:00etan elkartuta.
Horretarako, herritarren laguntza eskatu du Goizuetako udalak, eta muntaketan parte hartzeko deia luzatu die herritar guztiei: «anima zaitezte herriari festetan hainbesteko bizia ematen dion ikastolako tabernaren muntatze lanetan zure laguntza eskaintzera. Denon artean, lan xamurragoa izanen da», nabarmendu du.