San Joan bezperako ospakizunak prest dituzte Leitzan

Jendetza bildu ohi da Leitzako plazan San Juan bezperan.

Bi urtez egin gabe egon ondotik, aurtengo San Joan bezpera gogoz prestatu dute leitzarrek. Ekainaren 23an, ostegunean, 18:30ean umeek ingurutxoa dantzatuko dute pilotalekuan eta ondoren txistor opilak eta freskagarriak banatuko dituzte. 21:30ean herri-afaria izanen dute kiroldegian eta dultzaineroek girotuko dute afalondoa. Gauerdian suak piztuko dituzte plazan eta pestarekin segitzeko aukera izanen da.

Udalak afarirako  baxera, ogia, edaria, mahaiak eta aulkiak jarriko ditu, eta Aurrera elkarteak, aldiz, kafea eta kopa. 

Plastiko eta hondakin gutxiago sortzeko, etxeko baxera eramateko edo udalak eskainitako baxera konpostagarria erabiltzeko deia luzatu dute. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun