Leitza, Goizueta, Areso eta Aranoko Gizarte Zerbitzuen Mankomunitateak, Nafarroako Gobernuaren eta Gozamenez programaren laguntzarekin, escape room bat eginen du asteburuan Goizuetan. Larunbatean dantzetako lokalean izanen da ekimena, eta hiru taldetan eginen dute; 18:00etan, 19:30ean eta 21:00etan.
Goizuetaz gain, Leitzan ere eginen dute escape rooma. Ekainaren 18an Herri Aretoan izanen da ekimena eta sei taldetan eginen dute, egun osoan; 11:00etan, 12:30ean, 16:00etan, 18:00etan, 19:30ean eta 21:00etan. Txartelak salgai daude ekainaren 13ra arte institutuan bi euroren truke.