67 kilometroko lasterketa
Artolak zazpi ordu baino gutxiago behar izan zuen 67 kilometroko ibilbidea osatzeko (6 :56:49). Sei minutuko aldea atera zion bigarren helmugaratu zen Rajadori (7 :02:56) eta bigarrenarengandik hiru minutu eskaera ailegatu zen hirugarrena: Jon Ander Zabaleta Telleria leitzarra (7 :05:37). Aurreneko hogei lasterkarien artean eskualdeko gehiago ere izan ziren. Iñaki Telletxea Zaldain elizondoarrak, esaterako, seigarren egin zuen (7.29.49); Daniel Parraga Zubillaga leitzarra 17. izan zen (8.01.22) eta Beñat Saralegi Izagirre leitzarra 21. (8.10.04).
Emakumezkoetan hamalau lasterkarik egin zuten lasterketa luzea. Horietan bizkorrena Perez izan zen (8.18.32). Handik hamar minutu baino gutxiagora ailegatu zen Sanz (8.28.17) eta Vazquez eta Ritcher elkarrekin helmugaratu ziren (9.14.20). 67 kilometroko lasterketan ez zen eskualdeko parte hartzailerik izan.
Erreleboka
43 bikotek osatu zuten erreleboka egin beharreko lasterketa (32,8 km + 34,2 km). Hodei Lujanbio Apezetxea goizuetarra eta Oihana Zubillaga izan ziren podiumaren goiko koskara igo zirenak (6.50.59). Leire Baraibar Garmendia aresoarra eta Mikel Etxeberria (7.03.07) bigarren sailkatu ziren eta Iñigo Uribeetxebarria eta Leire Arrizabalaga hirugarren. Eskualdeko parte hartzaile gehiago ere izan ziren. Itxaro Zabaleta Telleria leitzarrak, adibide, bosgarren egin zuen, Julen Erasorekin batera (7.54.29).
Omenaldia
Lasterketa hasi aurretik aitzindariak izan ziren andereño euskaldunak omendu zituzten. «Euskarari eta euskal irakaskuntzari oztopoz beteriko garai batean egindako ekarpenagatik», Kontxi Beitia Oiarbide pasaitarra, Izaskun Gastesi Zubeldia gorritiarra eta Kontxi Zabaleta Labaien leitzarrari aurreskua dantzatu eta oroigarria eman zieten EH Mendi Erronkako antolatzaileek.