Arribe, Lekunberri eta Gorritiren ondotik, datorren igandean Goizuetak hartuko du Mendialdeko Azoka Ibiltariaren lekukoa. Egun horretan, ekoizleen eta artisauen topaleku bilakatuko da herria. 10:30etik 14:00etara eguraldi ona egiten badu kanpoan jarriko dituzte postuak, eta txarra baldin bada frontoian.
Guztira 28 postu izanen dira eta tartean, hamar bat herrikoak: Maingenea, Mantxintxa ttiki, Domiña, Auxonborda, Jose Antonio Lujanbio, talogileak, Txirikorda [osagarriak eta bitxiak], Belen [margo lanak], Arrate [gantxiloa] eta Garbiñe [egurrezko tailu lanen erakusketa].
Egitarauaren barrenean, 13:30ean bertako produktuen saskiaren zozketa eginen dute.