Ekainaren 4an patinaje ikastaroa izanen dute Areson

Araitz, Areso, Betelu, Larraun eta Lekunberriko Kirol Mankomunitateak antolatuta, haurrentzako eta helduentzako patinaje ikastaroaren laugarren jardunaldia eginen dute ekainaren 4an Areson. Izena ekainaren 1a baino lehen eman beharko da.

Haurrek eta helduek parte hartzen ahal dute eta izena ekainaren 1eko 14:00ak baino lehen eman beharko da. Izena emateko orria kirolmankomunitatea@gmail.com helbidean eska daiteke. Haurrek 6,5 euro ordaindu beharko dituzte eta helduek 10 euro. Taldeak ateratzeko gutxienez zortzi lagunek eman beharko dute izena.

Ekainaren 4an, larunbata, 12:30etik 13:30era bilduko dira baina eguraldi txarra baldin bada, jarduera bertan behera utziko dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun