Leitzako haurrek zer egin izanen dute aurtengo uztailean. Haur txokoa eta udako tailerra izanen dituzte uztailaren 4tik 29ra bitartean. Ikas mailaren arabera bi taldetan banatuta egonen dira: haur hezkuntzakoak alde batetik, eta lehen hezkuntzakoak bertzetik.
Lau txanda izanen dira aukeran: uztailak 4tik 8ra, uztailak 11tik 15, uztarrilak 18tik 22ra, eta uztailak 25etik 29ra. Eta egun bakoitzean hiru ordu (10:00-13:00ak), edo lau ordu (09:00-13:00ak) bertaratzeko aukera izanen da.
Matrikula maiatzaren 20tik 27ra egin beharko da 948 012 012 telefonora deituta. Bertan datuak eman, eta momentuan jakinaraziko dute ordaindu beharrekoa. Plaza mugatuak izaki, lehentasunak ezartzeko orduan herrian erroldatua egitea eta izena emateko ordena hartuko dira kontuan.
Prezioak ordu kopuruaren eta aste kopuruaren araberakoak izango dira:
| Aste bat | Bi aste | Hiru aste | Lau aste | |
| 3 ordu (10:00-13:00) | 36 euro | 64 euro | 89 euro | 106 euro |
| 4 ordu (09:00-13:00) | 44 euro | 80 euro | 113 euro | 135 euro |
Matrikulan %12ko deskontua izanen dute bi senide matrikulatuta dituztenek, eta hiru senide edo gehiago matrikulatuta dituztenek, aldiz, %30ekoa.
Informazio gehiago nahi duenak Gizarte Zerbitzuetara, edo Euskara Zerbitzura idatzi edo deitu dezake.